عمران خان کا 29 اپریل 2018 کو مینار پاکستان پر ایک تاریخی جلسے سے خطاب
عمران خان کے 11 نکات
پاکستان تحریک انصاف کے چیئرمین عمران خان نے 11 نکات پر مبنی اپنا سیاسی منشور پیش کر دیا ـ
تعلیم
جلسے کے شرکاء کو بتایا کہ اس فہرست میں پہلے نمبر پر تعلیم ہے ، تعلیم ہی کے ذریعے تمام ایشین ٹائیگرز نے ترقی کی ،پنجاب حکومت نے 330 ارب روپے لاہور پر خرچ کئے لیکن ایک تعلیمی ادارہ نہیں بنایا۔
ملک میں تعلیم کا نیا نصاب بنائیں گے،سرکاری تعلیمی اداروں میں ساڑھے 3 کروڑ 50 لاکھ بچے،25 لاکھ مدارس اور 8 لاکھ انگریزی مڈیم میں سے تعلیم حاصل کررہے ہیں۔
پرویز خٹک ہری پور میں انجیئنرنگ یونیورسٹی بنانے رہے ہیں۔
صحت
عمران خان نے دوسرا نکتہ صحت کو قرار دیا اور کہا کہ میں پاکستان کے صحت کے نظام کو درست کروں گا جب میں اقتدار میں نہ ہوتے ہوئے بھی شوکت خانم کینسر اسپتال بناسکتا ہوںتو حکومت میں یقینی طور پر ایسے اسپتال بنائوں گا جس میں غریبوں کا مفت علاج ہوگا ، انہیں ملک سے باہر علاج نہیں جانا پڑے گا۔
قوم سے پیسے جمع کروں گا
تیسرے نکتے کے حوالے سے بتاتے ہوئے عمران خان نے کہا کہ آج قرض میں جکڑی ہوئی قوم ہیں، میں اپنی قوم سے پیسہ جمع کرکے دکھائوں گا ،پاکستانیوں کا اعتماد جیسے حاصل ہوجائے اور وہ سمجھ جائیں کہ یہ کام درست ہے تو پیسے لگانے کےلئے تیار ہوجاتے ہیں۔
کرپشن کا خاتمہ
کرپشن کے خاتمے کے نکتے پر انہوں نے کہا کہ نیب ،عدالتوں اور دیگر اداروں کو مضبوط کروں گا ، کرپٹ عناصر کو پکڑوں گا ،ہم نے 20اراکین اسمبلی کو نکال دیا ہے کیونکہ ہمارے پاس ان کی کرپشن کے ویڈیو ثبوت تھے۔
احستاب کا نظام مضبوط کریں گے، منی لانڈرنگ کو روکیں گے اور بیرون ملک سے پیسہ واپس لائیں گے اور تعلیم پر خرچ کریں گے۔
سرمایہ کاری
پانچویں نکتے پر حوالے سے عمران خان نے کہا کہ ہم سرمایہ کاری لے کر آئیں گے،بجلی اور گیس پر ٹیکس کی شرح کم کریں گے، سرمایہ کاری کی راہ میں حائل رکاوٹیں دور کریں گے، سرمایہ کاری ہوگی تو بیروزگاری کم ہوجائے گی۔
روزگار
پی ٹی آئی چیئرمین نے چھٹے نمبر روزگار کو رکھا اور کہا کہ انہوں نے پلان بنالیا ہے، اقتدار میں آکر ملک میں 50لاکھ نئے گھر بنائیں گے ،تعمیرات سے جڑے تمام صنعتیں بحال ہوگی تو روزگار میں اضافہ ہوگا اس حوالے سے ٹیکنیکل تعلیم بھی دیں گے۔
سیاحت کا فروغ
انہوں نے بتایا کہ ان کے 11نکات میں 7ویں نمبر سیاحت ہے ،اللہ نے پاکستان کو خوبصورت ملک بنایا ہے اور سب سے آسان کام سیاحت میں روزگار نکالنا ہے ،ہر سال 4نئے مقامات کھولیں گے اور ملک کو سیاحوں کےلئے مرکز بنائیں گے۔
زراعت کی ترقی
عمران خان نےآٹھویں نمبرپر زراعت کے شعبے میں اصلاحات کو بیان کیا اور کہا کہ کسانوں کی کسی کو فکر نہیں حالانکہ وہ پورے سال محنت سے کام کرتے ہیں،انہیں آسان قرضہ دیں گے،سستے نرخ پر بیج فراہم کریں گے، ٹیوب ویلز دیں گے جدید فارمنگ اپنانے پر زور دیں گے اور اس شعبے کو نقصان پہنچانے والے خاص طور پر شوگر مل مافیا نے سے نمٹیں گے۔
مضبوط وفاق
عمران خان نے 9ویں نکتے کے حوالے سے بتایا کہ ہم وفاق کو مضبوط کریں گے ، سارے صوبوں کو حقوق دیں گے ،جنوبی پنجاب کوانتظامی سطح پر صوبہ بنائیں گے ،فاٹا کو خیبرپختونخوا میں فوری طور پر ضم کردیں گے، فاٹا میں جو نقصانات ہوئے ہیں وہ پورے کریں گے اور زیادہ سے زیادہ ترقیاتی فنڈز دیں، سارے پاکستان میں بلدیاتی نظام لائیں گے اور میئر کا انتخاب بھی براہ راست ہوگا اور فنڈ اراکین اسمبلی کے بجائے ان نمائندوں کو دیں گے۔
ماحولیات
پی ٹی آئی چیئرمین کا 10واں نکتہ ماحولیات کے حوالے بتایا اور کہاکہ ماحولیات کی بہتری اور آلودگی کے خاتمے لئے کام کریںگے ،دریائوں کو صاف کرنے کے منصوبے بنائیں گے۔
پولیس اور شعبہ انصاف میں اصلاحات
انہوں نے اگلے نمبر پر پولیس اور شعبہ انصاف میں اصلاحات پر بات کی اور کہا کہ پولیس کے شعبے میں اصلاحات لائیں اور اسے غیرسیاسی کریں گے اور وہ دن بھی آئے گا جب لوگ پنجاب پولیس زندہ باد کا نعرہ لگائیں گے، کے پی میں چیف جسٹس کے ساتھ مل کر فیصلہ کیا ہے کہ سول کیس ایک سال سے زیادہ نہیں جائے گا، کے پی میں ریٹائرڈ جج، فوجی اور بیوروکریٹ بیٹھ کر فوری فیصلے کرتے ہیں وہی نظام پورے پاکستان میں لائیں گے۔
خواتین کی فلاح و بہبود
عمران خان نے اپنا آخری نکتہ پیش کرتے ہوئے کہا کہ خواتیں کے لئے تعلیم کو یقینی بنائیں گے ،پڑھی لکھی ماں سے سارا گھر پڑھا لکھا ہوتا ہے ،نئے 3 میں 2اسکول بچیوں کےلئے ہوں گے ،نئے 100 میں سے 70 کالج لڑکیوں کےلئے ہوں گے، عورتوں کو قانونی تحفظ دینا ہے جس کے لیے ہم نے کے پی میں خواتین کے پولیس اسٹیشن کھولے ہیں اسی طرح پولیس اسٹیشن بنائیں گے اور قانون کے ذریعے خواتین کو جائیداد کے اندر حق دلائیں گے ـ